جرثومه المعده في الأطفال

جرثومه المعده  في الأطفال

من أكتر أنواع البكتيريا المنتشره في الأطفال وده لانها بتتنقل من شخص لاخر ومن الام او اي فرد في العيله عن طريق الفم او اليد لو ملوثة او الطعام المكشوف او الحمامات العامة.

- جرثومه المعده  بتسبب أعراض عامه او مالهاش عرض محدد في الاطفال و لو فيه اعراض لا تصل لحدة الاعراض عند الكبار فدايما مش متشخصه او مفقوده في التشخيص ..

♦اعراضها دايما بتختلف من طفل لاخر  زي  :

*ألم فوق السره وانتفاخ وميل للقئ والغثيان  .

*حموضة في فم المعدة و ارتجاع مرئ  .

*انيميا نقص الحديد .

*فقدان الشهيه وضعف النمو  ولقوا ان الاطفال اللي عندها جرثومه بيفقدوا الشهيه ومجرد ما ياخدوا العلاج الشهيه بترجع تاني والنمو بيزيد .

*في الحالات الشديده ممكن نزيف و دم مع البراز واسهال شديد.

♦امتى ابتدي اقلل و اشك ان دي جرثومة المعدة ؟!

لو فيه مغص و الم فم المعدة مستمر و لو  فيه الم و حرقان بيحدث بعد الاكل او عند النوم

او لاحظت إسهال مستمر و تغير لون البراز للأسود بسبب حدوث قرحة 

♦يفضّل نعمل تحليل لجرثومة المعدة في عدة حالات :

*لو حد في العيله عنده جرثومه المعده يفضل نعمل تحليل للاطفال الموجوده .

*وكمان حالات انيميا نقص الحديد اللي مش بتستجيب للعلاج ومعاها اعراض الجرثومه  لازم نحط في الاعتبار جرثومه المعده..

(التحليل براز او منظار للمعدة)

♦العلاج بيكون حسب الحالة و تشخيص الطبيب المعالج

-علاج للأعراض زي (المغص و الاسهال )لو مفيش وجود جرثومة

-و في حالات تحتاج كورس علاجي في حالة اكتشاف وجود الجرثومة